გიორგი კალანდია – ძალიან მადლიერი ვარ “ქართუ“ ფონდის

ისტორიკოს გიორგი კალანდიას შეფასებით, თეიმურაზ მეფის პორტრეტის დაბრუნება სიმბოლურია.
როგორც მან აღნიშნა, ხელოვნების სასახლისა და „ქართუს“ დამოკიდებულება უნიკალური და განსაკუთრებულია.
„თეიმურაზ მეფის პორტრეტის დაბრუნებას აქვს უპირველეს ყოვლისა დიდი სიმბოლური მნიშვნელობა, რადგან თეიმურაზ მეფე, როგორც მეფე პოეტი, მეფე განმანათლებელი, მრავალგზის ნატანჯი, იმედგაცრუებული და სამშობლოში ვერდაბრუნებული – დაბრუნდა პორტრეტის სახით. ამას ჩვენთვის, ქართველებისთვის დიდი მნიშვნელობა აქვს. კულტურის თვალსაზისით კი ეს არის ყოველგვარი გადაჭარბების გარეშე უდიდესი შენაძენი. ქართველი მეფეების ცხოვრებისა და მოღვაწეობის თანადროული პორტრეტები, სამწუხაროდ, ჩვენ არ გვაქს. ფრესკული ბევრია, მაგრამ ევროპული სტანდარტის ფერწერულ ტილოზე ჩვენ სულ თითზე ჩამოსათვლელი პორტრეტი გვაქვს.
ძალიან მადლიერი ვარ „ქართუ“ ფონდის, მას ჩვენთან ურთიერთობის ხანგრძლივი ტრადიცია აქვს – ხელოვნების სასახლის რეაბილიტაციის პროექტი, ბევრი გამოცემა სწორედ ფონდი „ქართუს“ მხარდაჭერით გამოიცა. ამ შემთხვევაში კი ფინანსურ დახმარებასთან ერთად დროის ფაქტორს ჰქონდა უდიდესი მნიშვნელობა, რადგან იყო ონლაინ-აუქციონი, როდესაც დამფინანსებელი არამარტო გაფინანსებს, არამედ შენთან ერთად თანამონაწილეობს პროექტში, ეს ძალიან მნიშვნელოვანია და ამიტომ ვფიქრობ, რომ ხელოვნების სასახლის და „ქართუს“ დამოკიდებულება არის უნიკალური და განსაკუთრებული”, – აღნიშნა გიორგი კალანდიამ.