“ნაციონალური მოძრაობის” ოპოზიციური ჯგუფის შტაბში გრიგოლ ვაშაძემ რუს ჟურნალისტს უთხრა, რომ გაპრეზიდენტების შემთხვევაში, სააკაშვილს მოქალაქეობას მიანიჭებს. ალექსეი რომანოვი 28 ოქტომბერს, არჩევნების დამთავრების შემდეგ გრიგოლ ვაშაძის მხარდამჭერ შტაბში მივიდა. ჟურნალისტმა ბლიც-ინტერვიუც სწორედ ამ დროს ჩაწერა პრეზიდენტობის კანდიდატთან.
გრიგოლ ვაშაძე წინასაარჩევნო პერიოდში “იმედის კვირასთან” მიცემულინტერვიუში ამბობს, რომ შეიწყალებს ყოფილ მაღალჩინოსნებს, რომელთა მიმართაც სისხლის სამართლებრივი პასუხისმგებლობა დადგა. მისივე თქმით, ის აპირებს მიხეილ სააკაშვილის და დანარჩენი პოლიტპატიმრების, მათ შორის ვანო მერაბიშვილის, ბაჩო ახალაიას და გიორგი ცააძის შეწყალებას.
საქართველოში საპრეზიდენტო არჩევნები 28 ოქტომბერს გაიმართა.
ცესკოს მონაცემების თანახმად, „ქართული ოცნების“ მიერ მხარდაჭერილმა დამოუკიდებელმა კანდიდატმა სალომე ზურაბიშვილმა ხმების – 38.64% მიიღო, „ნაციონალური მოძრაობის“ კანდიდატმა გრიგოლ ვაშაძემ – 37,74%.
საპრეზიდენტო არჩევნების მეორე ტური საბოლოო შედეგების გამოცხადებიდან ორი კვირის ვადაში ჩატარდება. სავარაუდო თარიღად კი 2 დეკემბერი სახელდება.