თერჯოლის გადასახვევთან მომხდარი ავტოსაგზაო დროს დაშავებული ახალგაზრდა გარდაიცვალა

თერჯოლის გადასახვევთან მომხდარი ავტოსაგზაო შემთხვევის დროს დაშავებული გარდაიცვალა. მისი მდგომარეობა მძიმე იყო.
არსებული ინფორმაციით, გარდაცვლილი დედოფლისწყაროში “ქართული ოცნების” მონიტორინგის თანამშრომელია.
როგორც ცნობილია, ავარიის შედეგად 4 ადამიანი დაშავდა. სამი ადამიანის მდგომარეობა სტაბილური იყო, ერთის კი მძიმე. ისინი თბილისიდან ზუგდიდში ქორწილში მიდიოდნენ. ავარიაში მოყოლილი ადამიანების ახლობლის თქმით, ისინი მაღალი სიჩქარით არ მიდიოდნენ, მათ გზა მანქანამ გადაუჭრა და შეჯახების თავიდან არიდების მიზნით მანქანა გზიდან გადავიდა.
მაღალი სიჩქარით მოძრავი ავტომობილი ჯერ ბოძს შეეჯახა, შემდეგ კი გზიდან გადავიდა და ცეცხლი გაუჩნდა. ავტომობილი მთლიანად დაიწვა. დაშავებულები საავადმყოფოში გადაიყვანეს.
მომხდარზე გამოძიება 276-ე მუხლის პირველი ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.