ვინ ეკითხება ბოკერიას, განმისაზღვროს ან ჩემი არჩევანი, ან ვინ ეკითხება ბოკერიას,- მოუწოდოს “ქართულ ოცნებას”, რომ არ მიიღოს ჩემი მხარდაჭერა,- ამის შესახებ “პატრიოტთა ალიანსის” თავმჯდომარე ირმა ინაშვილი სოციალურ ქსელში წერს.
“ჩემი კონსტიტუციური უფლებაა,- მივიღო ან არ მივიღო არჩევნებში მონაწილეობა. დავუჭირო მხარი კონკრეტულ კანდიდატს და არ დავუჭირო მხარი- სხვას.
ვინ ეკითხება ბოკერიას, განმისაზღვროს ან ჩემი არჩევანი, ან ვინ ეკითხება ბოკერიას,- მოუწოდოს “ქართულ ოცნებას”, რომ არ მიიღოს ჩემი მხარდაჭერა. სულ არ მაინტერესებს, რას ფიქრობს ჩემს გადაწყვეტილებაზე “ქართული ოცნება”.
ზურაბიშვილის მხარდაჭერით მხარს “ქართულ ოცნებას” არ ვუჭერ, მხარს ვუჭერ მარტივ ჭეშმარიტებას- სააკაშვილ-ბოკერიას რეჟიმი ხელისუფლებაში ვეღარასდროს უნდა მოვიდეს და ვერც მოვა! ბოკერიამ კიდევ გააგრძელოს პანიკურ მდგომარეობაში ყოფნა. ჯერ სადა ხარ, გიგა,-წერს ინაშვილი.