მილიარდერი დონალდ ტრამპი რესპუბლიკური პარტიის მიერ აშშ-ის პრეზიდენტობის კანდიდატად ოფიციალურად დასახელდა. ოჰაიოს შტატის ქალაქ კლივლენდში პარტიის ყრილობის მეორე დღეს გამართული კენჭისყრის შედეგად ტრამპის კანდიდატურამ დელეგატების ხმების უმრავლესობა მოიპოვა.
“ვამაყობ, რომ აშშ-ის პრეზიდენტობის კანდიდატი გავხდი. მოუთმენლად ველი შესაძლებლობას, როდესაც გაგიზიარებთ ჩემს მოსაზრებებს იმასთან დაკავშირებით, თუ როგორ შევქმანთ უკეთესი მომავალი ყველა ამერიკელისთვის”, – განაცხადა დონალდ ტრამპმა.
დონალდ ტრამპის პრეზიდენტობის კანდიდატად ნომინირებისთვის საჭირო იყო დელეგატების ხმების მარტივი უმრავლესობა (1237 დელეგატის ხმა 2472-დან).
კენჭისყრის საბოლოო შედეგებით, ტრამპმა 1725 დელეგატის მხარდაჭერა მიიღო.
კომენტარები