თურქეთში საქართველოს ორი მოქალაქე ძარცვის ბრალდებით დააკავეს. როგორც Hurriyet Daily News-ი წერს,ოთხი ქართველისგან შემდგარ კრიმინალურ ჯგუფს სტამბოლის ერთ-ერთ რაიონში მოსახლეობა ტერორში ჰყავდა.
თურქული მედიის ცნობით, ჯგუფის ორმა წევრმა სტამბოლში ერთი ბიზნესმენი დაჭრეს და 111 ათასი ლირა გამოსძალეს. შემთხვევა 16 ნოემბერს მოხდა. კიდევ ერთი თავდასხმა კი ჯგუფმა საიუველირო მაღაზიაზე განახორციელეს, რასაც პოლიციელი შეესწრო. მან ცეცხლი გახსნა, თუმცა დამნაშავეებმა დანაშაულის ადგილიდან მიმალვა სცადეს. ერთ-ერთი მათგანი პოლიციამ მაშინვე დააკავა, მეორე კი ძიების შედეგად აიყვანეს.
კომენტარები