ბარნოვის ქუჩაზე მოკლული თამარ გამრეკელაშვილის დედა ნათელა გობაძე მისი შვილის განზრახ მკვლელობაში ბრალდებულის ვეფხია ბაქრაძის სამუდამო პატიმრობას ითხოვს.
ნათელა გობაძემ დღევანდელი პროცესის შემდეგ ჟურნალისტებთან კომენტარი გააკეთა:
„დღევანდელი პროცესი ძალიან მძიმე მოსასმენი იყო, შოკირებული ვარ. ბრალდებულმა ჩაიდინა დანაშაული. ამბობს, რომ ბავშვები არ იყვნენ, ეს სრული აბსურდია. ბავშვი დაიკითხა და სასამართლოში მოყვა რა, როგორ იყო. თავის დაცვის მიზნით მის ადვოკატთან ერთად რაღაცას მოიმოქმედებს. ადვოკატი იცავს, მაგრამ რას იცავს, ვის იცავს და როგორ?
ამბობს თითქოს, ბავშვები არ იყვნენ და ჩემმა შვილმა იძალადა. ძალიან ბევრი უაზრობა მოვისმინე მისი მხრიდან. იმედი მაქვს, სასამართლო სწორ გადაწყვეტილებას მიიღებს.
მან შვილი მომიკლა და ამის გამო უნდა დაისაჯოს. შვილი მომიკლა თავისი მცირეწლოვანი ბავშვების თავლწინ, ეს არის სრული სიმართლე. რა თქმა უნდა, ეს არის სისასტიკე! ის იმსახურებს უვადო პატიმრობას”, – აცხადებს ნათელა გობაძე.
შემდეგი სასამართლო სხდომა 10 დეკემბერს, 14:00 საათზე დაცვის მხარის დასკვნითი სიტყვით გაგრძელდება.
მოკლული თამარ გამრეკელაშვილის დედა – შვილი მომიკლა თავისი მცირეწლოვანი ბავშვების თავლწინ
2018/12/05 15:43:39
ნანახია: 762 ჯერ