კულტურის ყოფილი მინისტრის სამძიმარზე ყოფილი პრემიერ-მინისტრი გიორგი კვირიკაშვილი მივიდა.
„მე ნიკოლოზს ვიცნობ არაერთი ათეული წელია, ახალგაზრდობიდან და ძალიან გული დამწყდა მისი წასვლის გამო. ჩვენი ცხოვრების გზები გაიყარა. პოლიტიკურადაც სხვადასხვა გუნდში აღმოვჩნდით. მაგრამ როდესაც ადამიანი მიდის, პოლიტიკური აზრთა სხვადასხვაობა აქტუალობას კარგავს. ამიტომ მინდა მთელი გულით მივუსამძიმრო მის ოჯახს, ახლობლებს და მეგობრებს. ძალიან გულდასაწყვეტია, რომ ამ ასაკში წავიდა ამ ქვეყნიდან“, – განაცხადა კვირიკაშვილმა.
„ნაციონალური მოძრაობის“ პოლიტიკური საბჭოს წევრი და კულტურის ყოფილი მინისტრი ნიკა რურუა 4 დეკემბერს გარდაიცვალა. მისი ცხედარი, ზანდუკელის ქუჩაზე, თავის სახლში იპოვეს.
კომენტარები