ყოფილმა რძალ-დედამთილმა მზითვების გამო იჩხუბეს. რძალი მეუღლესთან გაშორების შემდეგ მზითვების წამოსაღებად მასთან მივიდა, თუმცა საყოფაცხოვრებო ნივთები დედამთილმა არ გამოატანა. სწორედ ამ დროს დაიწყო სიტყვიერი დაპირისპირება, რომელიც მოგვიანებით ხელჩართულ ჯხუბში გადაიზარდა. ყოფილმა რძალმა ყოფილი დედამთილი ხელით სახის არეში სცემა.
პროკურატურის ინფორმაციით, 1980 წელს დაბადებული ქალბატონი, გორში, საცხოვრებელ სახლში, ყოფილ დედამთილთან ერთად იმყოფებოდა, ისინი საყოფაცხოვრებო ნივთებზე კამათობდნენ, კამათი ურთიერთშელაპარაკებაში გადაიზარდა, რა დროსაც რძალმა დედამთილს რამდენჯერმე გაარტყა ხელი. შემთხვევა გორში, 2018 წლის 6 აგვისტოს მოხდა.
დღეს გორის რაიონულ სასამართლოში სასამართლო პროცესი გაიმართა. 38 წლის ბრალდებული რძალი წარდგენილ ბრალდებაში თავს დამნაშავედ ცნობს. ბრალის დამტკიცების შემთხვევაში მას ან ჯარიმის გადახდა, ან ექვსი თვიდან ერთ წლამდე პატიმრობა ემუქრება.