ტყიბულში მომხდარ ტრაგედიასთან დაკავშირებით დაკავებულები 5 000-ლარიანი გირაოს სანაცვლოდ გათავისუფლდნენ. ქუთაისის საქალაქო სასამართლოს გადაწყვეტილებით, აღკვეთი ღონისძიების სახით მათ პატიმრობა გირაოთი შეიცვალა.
აფეთქებასთან დაკავშირებით „საქნახშირის“ 6 თანამშრომელი იყო დაკავებული. ესენი არიან შახტის დირექტორი – აკაკი ახვლედიანი; მთავარი ინჟინერი – გიზო კირკიტაძე; შახტის მენეჯერი – მამული კუბლაშვილი; უბნის უფროსი – მურადი აბულაძე, მოადგილე – ტარიელ აბესაძე; თანაშემწე – გოჩა ქასრაშვილი.
დაკავებულებს გამოძიება უსაფრთხოების ნორმების დარღვევას ედავება. გამოძიება სისხლის სამართლის კოდექსის 240 ე მუხლით მიმდინარეობს. ბრალის დამტკიცების შემთხვევაში დაკავებულებს 5 წლამდე თავისუფლების აღკვეთა ემუქრებათ.
კომენტარები