საქართველოს კალათბურთელთა ეროვნული ნაკრების წევრი ბექა წივწივაძე, რომელსაც ნარკოტიკული საშუალების შეძენა, შენახვა, შემოტანა ბრალდება, 10 ათასი ლარის გადახდის შედეგად გაათავისუფლეს.
როგორც „ექსკლუზივ ნიუსს“ თბილისის საქალაქო სასამართლოში განუცხადეს, ბრალდებულის აღკვეთის ღონისძიების საკითხი 19 ივლისს გაიმართა. მოსამართლის გადაწყვეტილებით, მას 10 ათასი ლარის გირაოს გადახდა საპატიმრო უზრუნველყოფით შეეფარდა.
არსებული ინფორმაციით, ბექა წივწივაძე თბილისის საერთაშორისო აეროპორტში რამდენიმე დღის წინ დააკავეს. იგი საქართველოში ჩინეთიდან ჩამოვიდა, რა დროსაც ნარკოტიკული საშუალება, ე.წ. ჰაშიში აღმოაჩნდა.
კომენტარები