სომხეთის უშიშროების სამსახურის ინფორმაციით, ერევანში, პოლიცის შენობიდან ყველა მძევალი გათავისუფლებულია. ამის შესახებ ინფორმაციას „ბი-ბი-სი“ , უშიშროებაზე დაყრდნობით ავრცელებს.
მანამდე გავრცელდა ინფორმაცია, რომ მიღწეულია შეთანხმება მძევლობიდან პოლიციის გენერალ-მაიორის, ვარდან ეგიაზარიანის და პოლკოვნიკის, ველერი ოსიპიანის გათავისუფლების შესახებ.
ცნობილია, რომ შეიარაღებული პირები ერევნის პოლიციის განყოფილებაში 17 ივლისს შეიჭრნენ და მძევლად 7 ადამიანი აიყვანეს. თავდამსხმელები ერთ-ერთი ოპოზიციური მოძრაობის წარმომადგენლის, ჟეირარ სეფილიანის გათავისუფლებას ითხოვდნენ. თავდასხმის დროს ერთი პოლიციელი დაიღუპა.
კომენტარები