გარდაცვლილთა ცხედრები ექსპერტიზის ბიუროდან უკვე გამოასვენეს, ადგილზე ახლობლები იმყოფებოდნენ, თუმცა მედიასთან კომენტარი არ გააკეთეს.
უბედურ შემთხვევას 4 ადამიანი ემსხვერპლა. მათ შორის ლევან დავლაძე, რომელიც მეგობრის ბინის სანახავად იმყოფებოდა. პირველადი ვერსიით, აფეთქება სწორედ მის მიერ სახლში შუქის ანთებას მოჰყვა.
გარდაიცვალნენ გვერდით მეზობელ ბინაში მცხოვრები: ნათია ციცვიძე, მისი და და მცირეწლოვანი ბავშვი. “ქრონიკა” იმ ადამიანს ელაპარაკა, რომელმაც დავლაძე გუშინ საღამოს ლიფტში ნახა. ამბობს, რომ ის მე-6 სართულზე, მეგობრის დაკეტილი ბინის სანახავად გავიდა. აფეთქება კი მის მიერ შუქის ანთებას მოჰყვა.
სავარაუდოდ, სახლში ბუნებრივი აირი იყო დაგროვილი. ადგილობრივები იხსენებენ, რომ გაზის მძიმე სუნს გუშინ მთელი დღის განმავლობაში გრძნობდნენ და ყაზტრანსგაზიც გამოძახეს, კომპანიის წარმომადგენლებმა კორპუსი დაათვალიერეს, თუმცა თქვეს, რომ პრობლემა არ არსებობდა.
მომხდართან დაკავშირებით 17 იანვარი საქართველოში გლოვის დღეა.