ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი წითელას საწინააღმდეგო აცრის ჩატარების აუცილებლობაზე საუბრობს.
დავით სერგეენკოს თქმით, შაბათ-კვირის განმავლობაში, როგორც რაიონებში, ისე თბილისში, სამედიცინო დაწესებულებები იმუშავებენ, სადაც მოქალაქეებს აცრების ჩატარება შეეძლებათ.
„შაბათ-კვირის განმავლობაში, როგორც დედაქალაქში, ასევე რაიონებში იმუშავებენ სამედიცინო დაწესებულებები. ამ სამედიცინო დაწესებულებების მისამართის გაგება მოქალაქეებს შეუძლიათ, როგორც ცხელი ხაზის საშუალებით, ასევე ინფორმაციით, რომელსაც მივაწვდით, სადაც შეეძლებათ მივიდნენ და ჩაიტარონ აცრა. ამ აცრების ჩატარება მნიშვნელოვანია. მნიშვნელოვანია, რომ მოცვა აცრებით იყოს სრული, ყველა იმ ადამიანის, ვინც რაიმე მიზეზის გამო თავის დროზე ვერ ჩაიტარა ეს ვაქცინაცია,“ – აცხადებს დავით სერგეენკო.