საქართველოს წითელი ჯვრის საზოგადოებამ 2019 წლის 16 იანვარს დიდ დიღომში საცხოვრებელი სახლის აფეთქების შედეგად საბურთალოს რაიონის გამგეობასთან კოორდინირებით დაზარალებულ მოსახლეობას ამანათები გადასცა.
საქართველოს წითელი ჯვრის საზოგადოების ცნობით, ტრაგედის შემთხვევიდან რამდენიმე წუთში საქართველოს წითელი ჯვრის საზოგადოებამ მოახდინა სწრაფი რეგაირება და შეიკრიბა საგანგებო შტაბი წითელი ჯვრის სათავო ოფისში. შტაბის გადაწყვეტილების შესაბამისად, შეფასების გუნდი გავიდა ადგილზე მდგომარეობის შესასწავლად. საქართველოს წითელი ჯვრის საზოგადოებას ჰქონდა მუდმივი კომუნიკაცია შესაბამის სამსახურებთან, როგორც საგანგებო სიტუაციების მართვის სამსახურთან აგრეთვე მერიის წარმომადგენლებთან.
კომენტარები