დიდ დიღომში, ავთანდილის ქ. #6-ში მდებარე ახალაშენებულ კორპუსში სავარაუდოდ, ბუნებრივმა აირმა გაჟონა. შემთხვევა წუხელ მოხდა.
როგორც კორპუსის მცხოვრებლები აცხადებენ, საღამოს ცხრა საათისთვის კორპუსის ათივე სართულზე ბუნებრივი აირის მძაფრი სუნი იდგა, რის გამოც მათ შესაბამისი სამსახურები გამოიძახეს. ამის შემდეგ კორპუსს ბუნებრივი აირის მიწოდება შეუწყდა, თუმცა, ადგილობრივების ნაწილმა, უსაფრთხოების მიზნით, ბინები მაინც დატოვა.
ადგილზე წუხელ სახანძრო და საპატრულო პოლიციის ეკიპაჟები იყვნენ მობილიზებული. მოგვიანებით კი, იქ იმ კომპანიის წარმომადგენლებიც მივიდნენ, რომელიც კორპუსს ბუნებრივი აირით ამარაგებს.
კომპანია „ჩირაღდნის“ სპეციალისტები კორპუსში ბინებისა და გაზგაყვანილობის გადამოწმებას დღეს, 10:00 საათიდან დაიწყებენ.
კომენტარები