ვანუატუს საგარეო საქმეთა მინისტრი დღეს საოკუპაციო ზოლთან სოფელ ოძისშიიმყოფებოდა. ის ადგილზე გაეცნო არსებულ ვითარებას და საქართველოს ევროინტეგრაციის მიმართ მხარდაჭერა კიდევ ერთხელ გამოხატა.
დიპლომატმა აფხაზეთისა და სამხრეთ ოსეთის ე.წ. დამოუკიდებლობის აღიარებასთან დაკავშირებით განმარტება გააკეთა და თქვა, რომ ვანუატუ საქართველოს ტერიტორიულ მთლიანობას ყოველთვის აღიარებდა, თუმცა 2011 წელს ერთი კონკრეტული მინისტრი გარკვეული პირების ზეგავლენის ქვეშ აღმოჩნდა და განსხვავებული პოზიცია დააფიქსირა.
„ვანუატუ ყოველთვის აღიარებდა საქართველოს ტერიტორიულ მთლიანობას, 2011 წელს გვყავდა ერთი მინისტრი, რომელმაც განსხვავებული პოზიცია გამოხატა. ჩემი აზრით, ის გარკვეული პირების ზეგავლენის ქვეშ მოექცა და აღიარა სამხრეთ ოსეთისა და აფხაზეთის დამოუკიდებლობა. ამ ფაქტის შემდეგ ვანუატუმ დაამყარა დიპლომატიური ურთიერთობა საქართველოსთან და აღიარება გაიწვია,“ – განაცხადა რალფ რეგენვანუსმა.