ვახტანგ მაისაია – ჩვენმა ხელისუფლებამ უნდა გასცეს საკადრისი პასუხი აზერბაიჯანელ კოლეგებს

“ჩვენმა ხელისუფლებამ უნდა გასცეს საკადრისი პასუხი აზერბაიჯანელ კოლეგებს”, – ამის შესახებ ექსპერტმა უსაფრთხოების საკითხებში, კონფლიქტოლოგმა ვახტანგ მაისაიამ მედიაჰოლდინგ „კვირას“ პრესკლუბში გამართულ პრესკონფერენციაზე დავით გარეჯში შექმნილ ვითარებასთან დაკავშირებით განაცხადა.
მაისაის განცხადებით, ბაქოსთან პირდაპირი მოლაპარაკებები უნდა დაიწყოს.
„რა არის გასაკეთებელი – ალბათ, ჩვენმა ხელისუფლებამ უნდა გასცეს საკადრისი პასუხი აზერბაიჯანელ კოლეგებს. უნდა ვთქვათ, რომ დავით გარეჯის კომპლექსი არის საქართველოს ისტორიული-კულტურული ძეგლი, ესაა ჩვენი ფასეულობა და ამ ფასეულობის შებღალვა წარმოადგენს საქართველოს სასიცოცხლო ეროვნული ინტერესების შებღალვას, ეს პირდაპირ უნდა იყოს დაფიქსირებული. ალბათ, საჭიროა, დაიწყოს პირდაპირი მოლაპარაკებები ბაქოსთან. ჩვენი საგარეო საქმეთა მინისტრი, თუ საჭიროა, პრემიერმინისტრი ჩავიდეს ბაქოში და ეს საკითხი პოლიტიკურ დონეზე დააყენოს; შეიქმნას სახელმწიფოთაშორისი კომისია, რომელიც დაიწყებს მოლაპარაკებას იმაზე, რომ ეს საკითხი ერთხელ და სამუდამოდ იქნას მოგვარებული მშვიდობიანი, დიპლომატიური და მეგობრული ურთიერთობების კონტექსტში. ამ გამოსავალს ვხედავ.
დღეს აზერბაიჯანთან ურთიერთობების გართულება არ შედის საქართველოს გეოპოლიტიკურ ინტერესებში, მაგრამ, მეორე მხრივ, ასევე არის ის საკითხი, რომლის დათმობამაც სახელმწიფოებრიობის შებღალვა შეიძლება გამოიწვიოს“, – განაცხადა მაისაიამ.
ცნობითვის, 25 აპრილს გავცელდა ინფორმაცია, რომ აზერბაიჯანელმა მესაზღვრეებმა დავით გარეჯის უდაბნოს მონასტეერი გადაკეტეს.
„კვირა“