“რაც უნდა უკმაყოფილო იყოს „რუსთავი 2-ის“, როგორც კომპანიის ერთ-ერთი მესაკუთრე, ნინო ნიჟარაძე სხვა მესაკუთრეებით, მთავარია, ყველას კარგად გვახსოვდეს, რომ ორი წელია, სტრასბურგის სასამართლოს მიერ ე.წ. შეჩერების გადაწყვეტილება, ანუ დროებითი ღონისძიება იქნა მიღებული”, – ამის შესახებ „რუსთავი 2-ის“ საკითხზე კომენტირებისას იუსტიციის მინისტრმა, თეა წულუკიანმა განაცხადა.
„ვფიქრობ, რაც უნდა უკმაყოფილო იყოს „რუსთავი 2-ის“, როგორც კომპანიის ერთ-ერთი მესაკუთრე, ნინო ნიჟარაძე სხვა მესაკუთრეებით, ან არ მოსწონდეს მას და სამართლებრივი პრეტენზიები და არგუმენტები ჰქონდეს მისივე კუთვნილი კომპანიის ხელმძღვანელობასთან, მთავარია, ყველას კარგად გვახსოვდეს, რომ ორი წელია, სტრასბურგის სასამართლოს მიერ ე.წ. შეჩერების გადაწყვეტილება, ანუ დროებითი ღონისძიება იქნა მიღებული. ეს გადაწყვეტილება დღესაც ძალაშია. ვერავითარი ტრანზაქცია – იქნება ეს საჯარო რეესტრი, იუსტიციის სამინისტროს რომელიმე სხვა სსიპ ან რომელიმე სხვა საჯარო დაწესებულება აღმასრულებელი ხელისუფლების ფარგლებში, ვერანაირ ნაბიჯს გადადგამს, სანამ შეჩერების ეს გადაწყვეტილება ძალაშია, სანამ სტრასბურგის სასამართლო არ გამოიტანს თავის გადაწყვეტილებას“, – განაცხადა თეა წულუკიანმა.
ცნობისთვის, ტელეკომპანია “რუსთავი 2- ის” 9-პროცენტიანი წილის მფლობელი, ნინო ნიჟარაძე მას და ტელეკომპანიის სხვა მეწილეებს უჩივის და მათგან ითხოვს, ჯამურად, დაახლოებით, 26 მილიონ ლარს. ტელეკომპანიის გენერალური დირექტორი, ნიკა გვარამია კი აცხადებს, რომ გეგეშიძეს დაგროვილი ჰქონდა საბიუჯეტო დავალიანება და ეს დავალიანება არ გაუსტუმრებია მიუხედავად იმისა, რომ გეგეშიძის დირექტორობის პერიოდში არხზე შესავალი მეტი იყო, ვიდრე – არხიდან გასავალი.
“სანამ სტრასბურგის სასამართლო არ გამოიტანს გადაწყვეტილებას, “რუსთავი-2″-ზე ვერავინ ვერანაირ ნაბიჯს გადადგამს”
2019/05/08 13:10:02
კომენტარები
ნანახია: 506 ჯერ