ვლადიმირ ზელენსკის მიხეილ სააკაშვილისთვის უკრაინის მოქალაქეობის აღდგენა თვით ვლადიმერ პუტინმა ურჩია. ამის შესახებ ინფორმაციას პოპუარული საინფორმაციო სააგენტო “ტასსი” ავრცელებს.
“რაც შეეხება თავისუფლებას, ამ მხრივ კარგი იქნებოდა რუსეთიდან კი არა, რუსებისგან კი არა, მაგალითად ქართველისგან ან ყოფილი ქართველისგან დაგვეწყო. მაგალითად, სამართლიანი იქნებოდა უკრაინული პასპორტი დაგვებრუნებინა ადამიანისთვის, რომელიც ადრე ქართველი იყო და დღეს თავს უკრაინელად თვლის. რა თქმა უნდა, მიხეილ ნიკოლაევიჩს ვგულისხმობ,” – განაცხადა პუტინმა ჟურნალისტებთან საუბრისას.
რუსეთის პრეზიდენტმა აღნიშნა, რომ სააკაშვილს უკრაინის მოქალაქეობა უკანონოდ წაართვეს და გააძევეს ქვეყნიდან. მის გარდა ბევრ უკრაინელსაც მოუწია ქვეყნის უსამართლოდ დატოვება. ისინი ყველა წინა რეჟიმის მსხვერპლები იყვნენ.
უკრაინის ახლადარჩეულმა პრეზიდენტმა ვლადიმერ ზელენსკიმ საქართველოს ექს-პრეზიდენტს მოქალაქეობა დაუბრუნა.
სააკაშვილმა ზელენსკის მოქალაქეობის დაბრუნების მოთხოვნით 22 მაისს მიმართა