ზაზა სარალიძე – ეს არის სამართლის ნაწილობრივ აღდგენა

“ეს არის სამართლის ნაწილობრივ აღდგენა”, – ასე შეაფასა ხორავას ქუჩაზე მოკლული დავით სარალიძის მამამ, ზაზა სარალიძემ სააპელაციო სასამართლოს მიერ გამოტანილი გადაწყვეტილება, რომელიც რამდენიმე წუთის წინ გახდა ცნობილი.
„პირველად გამიჩნდა იმის შეგრძნება, რომ სამართალი უნდა აღდგეს აუცილებლად, მაგრამ ეს არ ნიშნავს სამართლის საბოლოოდ აღდგენას, ეს არის სამართლის ნაწილობრივ აღდგენა. ბრძოლა გრძელდება ისევ, ბოლომდე. არავინ იფიქროს, რომ ან მოვდუნდები ან გვერდზე გავიწევი, ბრძოლა იქნება ბოლომდე. მოვუწოდებ ხელისუფლებას, რომ აქვთ ძალიან ცოტა დრო დარჩენილი. ეს ბრძოლა არ გაჩერდება. ველა აგებს კანონის წინაშე პასუხს. არავის არაფერს შევარჩენ“, – განაცხადა სარალიძემ.
შეგახსენებთ, რომ თბილისის სააპელაციო სასამართლოს მოსამართლეთა პალატამ ნაწილობრივ შეცვალა საქალაქო სასამართლოს გადაწყვეტილება და გ.ჯ. დამნაშავედ ცნეს დავით სარალიძის მკვლელობის მცდელობაში ჯგუფურად, სხვა პირებთან ერთად.
ამასთან, სააპელაციო სასამართლოს გადაწყვეტილებით, მოზარდების მკვლელობის საქმეზე მსჯავრდებულ გ.ბ-ს დავით სარალიძის მკვლელობაში მონაწილეობა არ მიუღია. სააპელაციო სასამართლომ ძალაში დატოვა საქალაქო სასამართლოს გადაწყვეტილება ლევან დადუნაშვილის მკვლელობასთან დაკავშირებით და დამნაშავედ ცნო გ.ბ..