რუსთაველზე მიმდინარე აქციაზე, სიტყვაში გამომსვლელები, ურთიერთგამომრიცხავ და ხშირ შემთხვევაში, საზოგადოებისთვის მიუღებელ და შეურაცხმყოფელ განცხადებებს აკეთებენ ხოლმე… ყურადღება, ერთ-ერთი ახალგაზრდა კაცის სიტყვამ მიიქცია, რომელმაც ქალაქის მერი, დადებით კონტექსტში მოიხსენია. ვინაობა იმ წუთში, ვერ გავარკვიეთ, გვეცნო და არც გვეცნო ეს ახალგაზრდა კაცი, მაგრამ მისი სიტყვა, გადახვევის რეჟიმში სწრაფად ამოვშიფრეთ: ის ქალაქის მერს კახა კალაძეს საქმიანობას უწონებს და ამბობს:
“ბატონო კახა ჩვენ ძალიან მოგვწონს თქვენი გალამაზებული თბილისი, აგერ ქუჩა გააკეთეთ, ევროპულად გამოიყურება, ძალიან მომწონს. შრომობთ, წვალობთ, რაღაცას აკეთებთ და უკვე მეორედ დაგენგრათ თბილისი. თქვენ ალამაზებთ ქალაქს, ის მოდის, ანგრევს და წავიდეს რა…თქვენ დარჩით და გაალამაზეთ ქალაქი.”
“ექსკლუზივ ნიუსი” შეეცადა, გაერკვია ამ ახალგაზრდის ვინაობა, ვინც გაბედა და ნაციონალებით გარშემორტყმულ აქციაზე, თბილისის მერის დადებითად ხსენება გაბედა და თქვა ის, რასაც ფიქრობდა. საბოლაოდ გაირკვა და გვითხრეს, რომ ეს ახალგაზრდა მუსიკალური ჯგუფ “გამოუვალი მდგომარება”-ს ერთ-ერთი სოლისტია, თუმცა ამჯერად გვარი და სახელი, ჯერჯერობით ვერ გავარვიეთ..
იკითხავთ ალბათ, ასეთი რა მოხდაო, მაგრამ ვიტყვით იმას, – რომ ის მოხდა, ხშირ შემთხვევაში და ამ სიტუაციაში, მსგავსი შინაარსის სიტყვის თქმა, გმირობის ტოლფასი გახდა, რატომღაც… მითუმეტეს, იქ სადაც აგრესია და სიძულვილი მძინვარებს, ძნელია თბილი სიტყვების მოსმენა, მაგრამ ეს გააკეთა “უცნობმა” ახალგაზრდამ და იქ შეკრებილ საზოგადოებას, ხსენებული სიტყვებით მიმართა.