სოფო კილაძემ, ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, 20 ივნისის აქციის დროს დაშავებული მოქალაქე მოინახულა.
ახალგაზრდა მამაკაცი „ნიუ ჰოსპიტალში“ ამ დრომდე განაგრძობს მკურნალობას. მის სიცოცხლეს საფრთხე არ ემუქრება, თუმცა უახლოეს პერიოდში ის ისრაელში გაემგზავრება, სადაც წამყვან კლინიკაში რეაბილიტაციის კურსს გაივლის.
სოფო კილაძემ წუხილი გამოთქვა პოლიციელების მხრიდან ძალის გადამეტების გამო, რის შედეგადაც ახალგაზრდის ჯანმრთელობას სერიოზული ზიანი მიადგა. მან აღნიშნა, რომ სახელმწიფო სრულ გამოჯანმრთელებამდე იქნება დაშავებულის გვერდით და უზრუნველყოფს მის სრულფასოვან რეაბილიტაციას.
კომენტარები