ჟურნალისტი გია გაბრიჭიძე სოციალურ ქსელში ნინო ქათამაძის გადაწყვეტილებას, რომ ის რუსეთში კონცერტებს აღარ გამართავს სკანდალურად ეხმიანება:
“პირველ რიგში ვიტყვი, რომ საქართველოს მოსახლეობის უდიდესი ნაწილისთვის აბსოლუტურად სულერთია ნინო ქათამაძე რუსეთში იმღერებს, ამერიკაში, თუ ზიმბაბვეში და აბსოლუტურად სულერთია რა ჰონორარს აიღებს თავის კონცერტებში.
მის მიმართ გაჩენილი აგრესიის უმთავრესი მიზეზი არის არა ის, რომ მან 22, თუ 23 ივნისს მოსკოვში იმღერა, არა ის, რომ ის ბევრი წელი რუსეთში იყო, არა ის, რომ მავანს მისი “ლაბადებუდეი”, ან საუბრის “ჯაან მოჩლექილი” მანერა არ ევასება, არამედ ის, თუ როგორი ფორმით გამოხატა თავისი დამოკიდებულება მიმდინარე მოვლენების მიმართ.
– მე რუსეთში აღარ ვიმღერებ – განაცხადა ნინო ქათამაძემ.
– ამ ჩემს შაშა და კოლას – გაიფიქრეს საქართველოს მოქალაქეებმა და მათმა გარკვეულმა ნაწილმა გააგრძელა ფიქრი იმაზე, თუ როგორ წავიდეს რუსეთში სამუშაოდ.
ტყუილი, დიახ ტყუილი რითიც სცადა რაღაც “აჩოკები” დაეწერა რუსთავი 2-თან და იმ ე.წ. პრადვინუტ ტიპებთან, რომლებიც რატომღაც აწესებენ გემოვნების ნორმებს.
ძალიან ზუსტად შეაფასა თეონა კონტრიძემ: მას რომ ეთქვა პუტინის რუსეთში არ ვიმღერებ, თავად რუსეთში ძალიან ბევრისთვის მისაღები იქნებოდაო, ამით კი ბევრი პროდიუსერი ძალიან გააოცაო (ჩემი მხრივ დავამატებ, რომ – პროდიუსერები გაოცდნენ და ზუსტად ის გაიფიქრეს, რაც საქართველოს მოქალაქეებმა).
მუდამ ვამბობდი დაკიდევ ვიტყვი – როცა ე.წ. “ცნობადი სახე” ხარ, აბსოლუტურად ყველა საქციელი და ყველა სიტყვა ძაალიან დიდი რუდუნებით უნდა შეაფასო, თორემ “სახიდან” “როჟად” გადაქცევამდე, ერთი ნაბიჯია.
მიუხედავად იმისა, რომ მისი შემოქმედება არ მომწონს და მის კონცერტზე სავარაუდოდ არასდროს არ წავალ (ნუ რა იცი რა ხდება და ვინ დამპატიჟებს, ვიტყვი, რომ ბევრი წლის წინ სასიამოვნოდ გაოცებული დავრჩი, როცა ჩემს საყვარელ მულტფილმში “ზღარბუნა ნისლში” მისი სიმღერა მოვისმინე (გაგიკვირდებათ და იქ ძალიან მომეწონა, ხოლო ის უაზრო “პატრიოტული აღტკინება” კი რაც მან გამოამჟღავნა, სრული სისულელე იყო.
სრული სისულელე, რაც სავარაუდოდ პირველ რიგში მისი არამც თუ ცუდი, ფაქტობრივად სრული არაინფორმირებულობის ბრალია (მე მინდა ასე ვიფიქრო).
იმაში კი აბსოლუტურად დარწმუნებული ვარ, რომ ნინო ქათამაძე 23 თებერვალს წითელ მოედანზეც იმღერებს, თუ მას კარგად გადაუხდიან.
ამიტომ კიდევ ერთხელ გავიმეორებ, რომ ყველაფერს უნდა დაერქვას თავისი სახელი და ყოველგვარი შეფუთვა – რაღაც ფორმით ან “გაპრავება”, ან ზედმეტი უარყოფითი ემოცია იშვიათი გამონაკლისის გარდა ყალბია.” – წერს ჟურნალისტი გია გაბრიჭიძე