„საზოგადოება ამას გასცემს პასუხს და უწინარესად, გამოძიებამ უნდა გასცეს პასუხი ამ წამქეზებლებს”, – ეს განცხადება ანალიტიკოსმა გია აბაშიძემ ტელეკომპანია „იმედის” ტოქშოუ „პირისპირში” გააკეთა, 20-21 ივნისის მოვლენების შეფასებისას.
გია აბაშიძის თქმით, მას სურს, იმ ადამიანებს, რომლებიც ახლა დემოკრატიის მანტიით არიან შემოსილები, 2011 წლის 26 მაისის მოვლენები შეახსენოს.
„26 მაისი გავიხსენოთ, მაშინ შტურმი არ იყო, გადაკეტილი იყო ცენტრალური გამზირი და მათი დაშლა შეიძლებოდა, მაგრამ რა ქნეს? ეს ხალხი მოაქციეს ყულფში, ალყაში მოაქციეს და გვესმოდა თავისუფლების მოედნიდან ახალაია, რომ მოდის მეტი დაკავებული, მეტი პრემია. გვახსოვს რუსთაველის კინო თეატრში თუ სხვაგან შესული ადამიანები, როდესაც თავშესაფარს ეძებდნენ. პარალელი არ მინდა გავავლო, მაგრამ მინდა შევახსენო იმ უტიფრებს, მოკლე და შერჩევითი მეხსიერების ადამიანებს, რომლებიც ეხლა დემოკრატიის მანტიით არიან, მაშინდელ რეჟიმში რომ იყვნენ და ახლა ადვოკატები, უფლებადამცველები რომ გახდნენ, შევახსენოთ მათ ეს პარალელი. საზოგადოება ერთხელ და სამუდამოდ უნდა შეთანხმდეს, რომ აქ კატეგორიულად გამორიცხულია ნებისმიერი მთავრობა ახლანდელი იმის შემდეგ თუ იმის შემდეგ დესტრუქციულ და რევანშისტულმა ძალებმა არ უნდა გაბედონ, რომ შეიჭრან სახელმწიფო ინსტიტუტში. საზოგადოება ამას გასცემს პასუხს და უწინარესად გამოძიებამ უნდა გასცეს პასუხი ამ წამქეზებლებს, რომლებმაც ეს უდანაშაულო ხალხი მე ასე ვიტყოდი წააქეზეს“, – აცხადებს გია აბაშიძე.
გია აბაშიძე: 26 მაისს შტურმი არ იყო, გვახსოვს როგორ მოაქციეს ხალხი ალყაში და როგორ გაუსწორდნენ
2019/07/04 13:07:37
კომენტარები
ნანახია: 478 ჯერ