კახა კალაძის თქმით, კახეთის გზატკეცილის მარჯვენა და მარცხენა სათადარიგო პროექტებზე კატასტროფული შედეგი მიიღეს, რაშიც შემსრულებელ კომპანიებს ადანაშაულებს.
“რადგან ინფრასტრიქტურულ პროექტებზე ვსაუბრობთ მინდა შევეხო შარშან განხორციელებულ პროექტს, ეს არის კახეთის გზატკეცილი. ჩვენ მივიღეთ კატასტროფული შედეგი. ცენტრალური მაგისტრალის სრული რეაბილიტაცია გვაქვს დაწყებული. შარშან 15 მილიონი დავხარჯეთ მარჯვენა და მარცხენა სათადარიგო პროექტების განხორციელებაზე. ეს არის სრული უპასუხისმგებლობა. ჭის თავების ირგვლივ სრული კატასტროფაა. თუ ამ კომპანიებს ჰგონიათ, მერია თავიდან დახარჯავს ფულს ამ პროექტების განხორციელებაზე, ძალიან ცდებიან. მინდა ირაკლი ბენდელიანს დავავალო, დღესვე დაიბაროს ეს კომპანიები. როგორც კი სხვა სამუშაოები დასრულდება, ეს გზა ისე უნდა მოწესრიგდეს, რომ პრობლემები არ იყოს. გულდასაწყვეტია, ეს დამოკიდებულება, როდესაც ამდენი ფული იხარჯება. იმ კომპანიებს მოუწევთ თავიანთი სახსრებით ამის მოწესრიგება. დედაქალაქის მერია ერთ თეთრს არ დაკარგავს ამის მოწესრიგებაზე” – განაცხადა კახა კალაძემ.