“ცდილობენ, გამოჩნდნენ ტელევიზიებში და ახდენენ პროცესის დისკრედიტაციას”

“რეალურად, ისინი დაინტერესებულნი არ არიან იმის გარკვევით, მართლაც ხომ არ ჩაიდინა ვინმემ დანაშაული და ამაზე პასუხი აგოს. სამაგიეროდ, ცდილობენ, გამოჩნდნენ ტელევიზიებში და ახდენენ პროცესის დისკრედიტაციას”, – ასე პასუხობს იურიდიულ საკითხთა კომიტეტის თავმჯდომარე, ანრი ოხანაშვილი ოპოზიციის ბრალდებებს, რომლის თანახმად ოქრუაშვილის დაკავება პოლიტიკური მოტივით მოხდა.
რაც შეეხება ​სა​მართლებრივ ნაწილს – მისი თქმით, ნებისმიერი საკითხი, რომელიც ვინმესთვის კითხვის ნიშანს იწვევს, დაისმება სასამართლოში, პროცესის განხილვის დროს.
“მოსამართლე ვალდებულია, მტკიცებულებებზე დაყრდნობით მიიღოს გადაწყვეტილება. შესაბამისად, თუ მოსამართლე მივა იმ დასკვნამდე, რომ არ არის საკმარისი მტკიცებულება ან არის, თავად მიიღებს გადაწყვეტილებას. პოლიტიკოსები ვერ შევალთ იმ სამართლებრივ შეფასებაში, რაზეც წვდომა არ გვაქვს. მოწმეს არ ასხვავებს, სამართალდამცავია პირი თუ სხვა მოქალაქე. სამართალდამცველების ჩვენება იმას კი არ ნიშნავს, რომ ჩვენების მიცემა ვინმემ აიძულა. ლოგიკურია, რომ სამართალდამცველების ჩვენება იქნება, რადგან იქ ისინი მოქმედებდნენ. ერთია ჩვენება და მეორეა კამერის ჩანაწერები, რომლებიც ოქრუაშვილის ქმედებებს ასახავს”, – განაცხადა ანრი ოხანაშვილმა.
ცნობისთვის, ოპოზიცია ამტკიცებს, რომ “გამარჯვებული საქართველოს” ლიდერის წინააღმდეგ რამდენიმე სამართალდამცველსა და წვევამდელს ყალბი ჩვენების მიცემა აიძულეს.