პრემიერი: რაც შეეხება ნიკა გვარამიას პროდასავლურ კურსს – როგორც მოქალაქე ამაზე გიპასუხებთ…

“ნებისმიერი ადამიანი, რომელიც, მათ შორის, თავისი განცხადებებით ამყარებს, რომ ევროპული ინსტიტუტები, რომლებიც იღებენ გადაწყვეტილებებს, თურმე, არიან სუბიექტურები და მოსყიდულები, “ითარგმნება” ოკუპანტი ქვეყნის ნარატივად”, – ამის შესახებ საქართველოს პრემიერმინისტრმა, მამუკა ბახტაძემ ტელეკომპანია „რუსთავი 2-ის“ ყოფილი გენერალური დირექტორის, ნიკა გვარამიას შესახებ საუბრისას განაცხადა. მისივე თქმით, ვისაც გულწრფელი დამოკიდებულება აქვს ქვეყნის ცივილური არჩევნის მიმართ, მსგავსი განცხადებები არათუ უპასუხისმგებლობაა, არამედ უდიდესი მავნებლობაა.
„რაც შეეხება ნიკა გვარამიას პროდასავლურ კურსს – როგორც მოქალაქე ამაზე გიპასუხებთ, ჩემთვის ნებისმიერი ადამიანი, რომელიც არის ქართულ პოლიტიკაში ჩართული და რომელიც ყველაფერს აკეთებს იმისთვის, მათ შორის, თავისი განცხადებებით ამყარებს, რომ ევროპული ინსტიტუტები, რომლებიც იღებენ გადაწყვეტილებებს, თურმე, არიან სუბიექტურები და მოსყიდულები, ასეთი ადამიანის მსგავსი სიტყვები “ითარგმნება” ოკუპანტი ქვეყნის ნარატივად. ვისაც აქვს გულწრფელი დამოკიდებულება ჩვენი ცივილური არჩევანის მიმართ, მსგავსი განცხადებები არათუ უპასუხისმგებლობაა, არამედ უდიდესი მავნებლობაა. ევროპული ინსტიტუტების მიმართ ნდობა არის უმაღლესი“, – განაცხადა ბახტაძემ.