სპეცდანიშნულების რაზმებმა 18 ნოემბერს საკანონმდებლო ორგანოს ბლოკირებული შესასვლელები გაათავისუფლეს. ოპოზიცია უკვე რამდენიმე დღეა მართავს აქციას, რომლის მთავარი მოთხოვნაც ხელისუფლების გადადგომა და ვადამდელი არჩევნების პროპორციული სისტემით ჩატარებაა.
აღნიშნულთან დაკავშირებით სამოქალაქო აქტივისტი ლიკა გამრეკელი სოციალურ ქსელში წერს:
“ეს არის დაშლა !
დარბევა სიტყვა ნიშნავს:
1. წყლის ჭავლის დამიზნებით გამოყენებას, როცა წყლის ჭავლი გაგდებს 5 მეტრზე
2. აქციის მონაწილეებისთვის გასაქცევი ოთხივე გზის ჩაკეტვას!
3. მხუთავი გაზის გამოყენებას!
4. რეზინის ტყვიების გამოყენებას!
5. ხის დუბინკების და რკინის დუბინკების ნაკვალევს სხეულის ყველა წერტილზე!
6. იმდენი სპეცრაზმელის გამოყვანას რომ მიწისძვრა გგონია!
7. არავის დანდობას! არც ქალის, არც ბავშვის, არც მოხუცის!
დარბევა ქვემოთ ფოტოებზეა ასახული” – წერს გამრეკელი “ფეისბუქზე” და ურთავს ფოტომასალას.