“ნაციონალური მოძრაობის” ერთ-ერთი წევრის რომან გოცირიძის განცხადებით, მისი ფრაქცია ბოიკოტის რეჟიმშია, შესაბამისად პარლამენტში დამდგარ სუნთან კავშირი არ აქვთ.
გოცირიძის ვერსიით, “ქართულმა ოცნებამ” ან თავად მოაწყო ეს პროვოკაცია ოპოზიციის დისკრედიტაციისთვის, ან “ოცნების” ერთ-ერთ წევრ ქალბატონს ზედმეტად ბევრი სუნამო ესხა.
“პირველი ვერსია არის ის, რომ “ქართული ოცნების” ერთ-ერთ ქალბატონს, არ დავასახელებ სახელს და გვარს, ზედმეტი სუნამო მოუვიდა და სუნამოს სუნი ტრიალებს. არ შევალ, მაგრამ ცხვირს შევყოფ ერთი, რა სუნამოა. მეორე – თავად მათ გააკეთეს პროვოცირება, როგორც გერმანელმა ფაშისტებმა დაწვეს რაიხსტაგი, მერე ეს დაწვა გადააბრალეს სოციალისტებს და დაიწყეს რეპრესიები, არაა გამორიცხული, რომ ეს თავად გააკეთეს ოპოზიციის დისკრედიტაციისთვის“, – განაცხადა რომან გოცირიძემ.