ცხინვალის საოკუპაციო რეჟიმის ე.წ. სასამართლოს მიერ ქართველი ექიმის ვაჟა გაფრინდაშვილის წინასწარ ორთვიან პატიმრობაში დატოვაბასთან დაკავშირებით, საქართველოს პრეზიდენტი სალომე ზურაბიშვილი განცხადებას ავრცელებს.
“მიუხედავად ყველანაირი მცდელობისა და საერთაშორისო თანამეგობრობის აქტიური ჩართულობისა უკანონოდ დაკავებული ექიმი ვაჟა გაფრინდაშვილი პატიმრობაში დატოვეს, რაც კიდევ უფრო ამძიმებს არსებულ, ისედაც რთულ ვითარებას.
კიდევ ერთხელ მივმართავ საერთაშორისო თანამეგობრობას, გააძლიეროს ძალისხმევა, რათა დაუყოვნებლივ მოხდეს ექიმის გათავისუფლება!” – ნათქვამია პრეზიდენტის განცხადებაში.
ცხინვალის საოკუპაციო რეჟიმის ე.წ. სასამართლომ ქართველი ექიმი ვაჟა გაფრინდაშვილი წინასწარ ორთვიან პატიმრობაში დატოვა.
ე.წ. სასამართლოს დახურულ სხდომას, რომელიც ცხინვალში გაიმართა. თავად ვაჟა გაფრინდაშვილიც ესწრებოდა ვლადიკავკაზელ ადვოკატთან ერთად.
შემდეგი სასმართლო სხდომა მომდევნო კვირას ჩაინიშნა.
რუსეთის საოკუპაციო ძალებმა ცნობილი ექიმი-ტრავმატოლოგი ვაჟა გაფრინდაშვილი 9 ნოემბერს, ახალგორის რაიონში დააკავეს. მას დე ფაქტო ხელისუფლებამ ე.წ. საზღვრის განზრახ დარღვევის ბრალდება წაუყენა და 15 დეკემბერს, ორთვიანი წინასწარი პატიმრობა შეუფარდა.