ადვოკატი მარიამ კუბლაშვილი საქართველოს პირველი პრეზიდენტის შვილის, ცოტნე გამსახურდიას დაჭრის ფაქტს სოციალურ ქსელში ეხმაურება და წერს, რომ ზვიად გამსახურდიას ოჯახის წინაშე საზოგადოებას ერთგვარი თმენის ვალდებულება მართებს.
„იყო კონსტანტინე გამსახურდიას შვილიშვილი და ზვიად გამსახურდიას შვილი, მეტისმეტი ტვირთია, მეტისმეტი ნიჭია და ცოტნეს გონება ამღვრეული და მეამბოხე თუა, სწორედ აღნიშნული მემკვიდრეობის ბრალია. ვინ გაბედა და იკადრა ამ კაცის სასიკვდილოდ გამეტება, ის მკვლელზე ბევრად უარესია! როგორ გავბედავდი როდესმე და ცოტნეს რაც არ უნდა შეურაცხყოფა მოეყენებინა ჩემთვის, იგივე პასუხს დავუბრუნებდი.
რა ცხოვრება აქვს გამოვლილი და რამხელა ტვირთის ტარება უწევს, ბოლოს და ბოლოს ერთგვარი თმენის ვალდებულებაც გვმართებს ზვიად გამსახურდიას სახელის და გვარის გამო, თუ ჩვენ წარსულს პატივს ვცემთ, გვიყვარს და ვაფასებთ ამ ბუმბერაზი ადამიანის სულს.
ცოტნეს გამოჯანმრთელებას ვუსურვებ, ვილოცებ მისთვის“, – წერს მარიამ კუბლაშვილი.