მანჩო გიორგობიანი – ყურს მომესმა, თუ უტიფარმა იგულავამ რაიო?

ჰო, მერი – კორუფციონერი მე ვიყავი, 100-ობით მილიონი მე დავიატკატე და დადგენილი 50 მილიონიც მე გავფლანგე,  – ამის შესახებ ჟურნალისტი მანჩო გიორგობიანი სოციალურ ქსელში წერს.

“ყურს მომესმა, თუ უტიფარმა მერი იგულავამ რაიო? ჰო, მერი – კორუფციონერი მე ვიყავი, 100-ობით მილიონი მე დავიატკატე და დადგენილი 50 მილიონიც მე გავფლანგე,  დანარჩენი თქვენ ჩამოთვალეთ, “შემახსენეთ პატიოსანი მერობა” .

2013 წლის მარტში გიგი უგულავას სატელეფონო ხარჯმა 38 ათასი ლარი შეადგინა; უგულავამ 2013 წლის 14 მაისის განკარგულებით, თავის თავს დაუნიშნა ყოველთვიურად დანამატი 4.320 ლარი, 2012 წლის იანვრიდან 2013 წლის ივლისამდე შრომის ანაზღაურებაზე მერიის მიერ დახარჯულია 14.552.873 ლარი, აქედან ხელფასებზე – 4.284.610 ლარი, თანამდებობრივ სარგოზე -–1.507.132 ლარი, ხოლო პრემიებზე – 8.761.131 ლარი.
მერიამ ამხანაგობების თავმჯდომარეებისთვის გამართულ ფურშეტებსა და ღონისძიებებზე 480.000 ლარი დახარჯა“, – წერს მანჩო გიორგობიანი.

 

ცნობისთვის: “ჩემი მერობის დროს არამიზნობრივად არცერთი თეთრი არ დახარჯულა, იყო ეს ნაძვის ხე თუ დედაქალაქის საახალწლო განათება. ყველაფერი მქონდა გაწერილი და დაანგარიშებული, რათა საფრთხე არ შექმნოდა ჩვენი ქალაქის მაცხოვრებელთა ეკონომიკურ მდგომარეობას.. ” – განაცხადა გიგი უგულავამ.