პარლამენტის პირველი ვიცე-სპიკერი, გია ვოლსკი ამბობს, რომ ბარდათში მომხდარი ტრაგედიის სესიასთან დაკავშირება სპეკულაციაა.
„ეს არის თემა, რომელიც მნიშვნელოვანია მორალურადაც და დასკვნებია გასაკეთებელი რა მოხდა. ამის დაკავშირება სესიასთან არის სპეკულაციის პიკი, რომელსაც მორალთან არანაირი კავშირი არ აქვს. როდესაც ამორალური ადამიანები მორალისკენ მიგითითებენ, ეს ძალიან მძიმეა“,– განაცხადა გია ვოლსკიმ.
ბაღდათში მომხდარი ტრაგედიის გამო, დღეს ოპოზიციამ პარლამენტთან დაგეგმილი საპროტესტო ღონისძიებები გააუქმა. გიგი უგულავას თქმით, იგივე უნდა გააკეთოს პარლამენტმა და დღევანდელი სესია გადადოს.
ცნობისთვის, გუშინ ბაღდათში ხანძრის შედეგად, ექვსი ადამიანი გარდაიცვალა. დაღუპულია დედა ოთხ მცირეწლოვან შვილთან ერთად. არსებული ინფორმაციით, ქალი ფეხმძიმედ იყო. კიდევ ერთი გარდაცვლილი ქალი კი არსებული ინფორმაციით, ოჯახის ახლობელია.