ცუდი სცენარის შემთხვევაში, თბილისში მაჟორიტარების საკითხთან დაკავშირებით დავიწყეთ კონსულტაციები,-ამის შესახებ “ევროპული საქართველოს” ერთ-ერთმა ლიდერმა გიგა ბოკერიამ მედიას “ლეიბორისტული პარტიის” ოფისში განუცხადა, სადაც ოპოზიციის შეხვედრა მიმდინარეობს.
მისივე თქმით, რადგან საერთო სულისკვეთება არის კომპრომისის პოვნა, „ევროპული საქართველო“ ოპოზიციას სთავაზობს კიდევ ერთ კომპრომისს, რომელსაც შემდეგ ხელისუფლებას წარუდგენენ.
“დავიწყეთ კონსულტაციები, ცუდი სცენარის შემთხვევაში, თბილისში მაჟორიტარების საკითხთან დაკავშირებით. ანუ, ჩვენ ვაგრძელებთ ყველა ინსტრუმენტით ბრძოლას მშვიდობიანად, ქვეყნის შიგნით და გარეთაც გრძელდება ძალიან მყარი წნეხი ჩვენს ხელისუფლებაზე, ივანიშვილზე, რომ კომპრომისი იყოს საარჩევნო სისტემაზე, მაგრამ ისინი იმეორებენ, რომ არაფერს დათმობენ. თქვეს, რომ თებერვალში მორჩება, რადგან ასე ლაპარაკობენ და რადგან ვერაფერს გამოვრიცხავთ, უკვე დავიწყეთ თბილისის მაჟორიტარებზე აქტიური კონსულტაცია. მეორე, ჩვენ, “ევროპულმა საქართველომ” დავსვით საკითხი, რომ სწორედ იქიდან გამომდინარე, რომ საერთო სულისკვეთება არის ის, რომ კომპრომისის პოვნა გვინდა, მაგრამ არა საზოგადოების ხარჯზე, კიდევ ერთ კომპრომისულ წინადადებას ვთავაზობთ ოპოზიციას, რომ შემდეგ შევთავაზოთ ხელისუფლებას. ეს არის პრინციპი – იმის ნაცვლად, რასაც ხელისუფლება იძახის, რომ მესამედზე ნაკლებით უნდა პირველ ადგილზე გასულ პარტიას, რომ უმრავლესობა ჰქონდეს, ჩვენ ვთავაზობთ მყარ პრინციპს- არსებითი უპირატესობა უნდა ჰქონდეს პარტიას, 40%-ზე არსებითად მაღლა უნდა იყოს და მოიგოს მაჟორიტარების დიდი ნაწილი და ამ შემთხვევაში ექნება შანსი უმრავლესობის”,- განაცხადა ბოკერიამ.