“ჩემი ცოლის დაქალებში” “მაკა” შესაძლოა ისევ დაბრუნდეს

მისი თქმით, მაკას ხაზი სერიალში შესაძლოა ისევ გაგრძელდეს.

“ნინოსთან მუშაობა ყველა რეჟისორს სურს. სცენარში მაკა ანჯაფარიძის გმირი რომ გაჩნდა და ჯერი მსახიობის არჩევაზე მიდგა, დრამატურგმაც, რეჟისორმაც, პროდიუსერმაც და მეც ერთხმად დავასახელეთ ნინო კასრაძის კანდიდატურა. ნინო ყველაფერს არ თანხმდება, თავისი პოზიცია უჭირავს, იცის მისი ადგილი კინოშიც და თეატრშიც. გვინდოდა მაკას ხაზი ძლიერი ყოფილიყო სერიალში. შეხვდა შემოქმედებით ჯგუფს, კითხვები ჰქონდა. ბოლოს სიამოვნებით დაგვთანხმდა. თქვა, რომ მის შვილებს სერიალი ძალიან უყვართ და მათ გამოც დაგვთანხმდა. გამოყო დრო და კარგად ვითანამშრომლეთ. მერე თვითონაც კმაყოფილი დარჩა. ყველაფერი მათამაშეთო – ღალატგადატანილი ცოლი, ტკივილი, დედა-შვილის ურთიერთობა, სიყვარული, ბოლოს შურის მაძიებელი და მკვლელიც კი. ვფიქრობ, თავი კარგად გაართვა და მაყურებლის საყვარელი პერსონაჟია. ვნახოთ, თავისი გეგმები აქვს, თუ შევთანხმდებით, ისევ გამოჩნდება”, – ამბობს “პრაიმტაიმთან” საუბრისას ეკა მჟავანაძე.