ჩვენი მიზანია, რომ პატიმრები იყვნენ დაცული. რომ გარედან შემავალი პირების ოდენობა მინიმუმამდე იყოს დაყვანილი. ყველა პატიმარს, ათიათს ადამიანს მივმართავ და ვეუბნები, რომ იყავით მშვიდად. რომ არ იყოს სიმშვიდის საფუძველი მე ვიქნებოდი პირველი, თქვენთან მოვიდოდი და ამაზე ვისაუბრებდი, – ამის შესახებ იუსტიციის მინისტრმა თეა წულუკიანმა ტელეკომპანია „იმედის“ გადაცემა „ქრონიკის“ ეთერში განაცხადა.
„დღეს არის ყველა საფუძველი იმისთვის, რომ ვიყოთ მშვიდად და მობილიზებულები. ავიტანოთ ცოტახანი მშვიდად, რომ პაემნები აღარ არის. ჩვენ ორშაბათიდან ჩავრთავთ ახალ შესაძლებლობას. ეს არის უფასო სასაუბრო წუთები. რაც თქვენთვის ნაწილობრივ დააკომპენსირებს პაემნების შეუძლებლობას“, – აღნიშნა წულუკიანმა.
წულუკიანის თქმით პენიტენციურ სისტემაში არის მედიკამენტების სრული მარაგი.
„დარიგდა 100 ათასი ლარის ღირებულების მედიკამენტები. მიწოდებაში წყვეტა არ არის. და არ არსებობს საფუძველი იმისა, რომ ხომ არ შეწყდება წამლის მოწოდება, არ არსებობს. შესაბამისად საჭიროა სიმშვიდე. ერთად-ერთი რაც პატიმრებმა უნდა იცოდნენ, მე მკაცრ კრიტერიუმებს ვუდგენ პენიტენციურ სისტემაში მომუშავე თანამშრომლებს. მათ უნდა იცოდნენ დღეს მთავარია პატიმარი და მისი სიცოცხლე. კერძოდ, ზოგიერთი თანამშრომელი რომელიც მუშაობდა სამოქალქო კლინიკებში სადაც დაფიქსირებულია შემთხვევები, დროებით ციხეში ვეღარ შევა ან აღარ იმუშავებს ჩვენთან, რადგან ჩვენ ვერ დავუშვებთ ციხეში კორონავირუსის იმპორტს“, – განაცხადა წულუკიანმა.