კახა კალაძის პრეს-სამსახურის წარმომადგენელი მანანა თოქმაჯიშვილი პიარების და ჟურნალისტების დახურულ ჯგუფში პოსტს აქვეყნებს, რომელსაც უცვლელად გთავაზობთ.
“ჩემო კოლეგებო, სამწუხაროდ, კიდევ ერთხელ მიწევს ამ თემაზე საუბარი-მაშინ როდესაც ქვეყანა გადასულია განსაკუთრებულ რეჟიმზე, დაწესებულია მთელი რიგი შეზღუდვები, ბრიფინგს ატარებს მერი და აცხადებს რა ზომებს მიიღებს მერია ჩვენი საზოგადოების ყველაზე დაუცველი ფენის უსაფრთხოებისთვის, ამ ყველაფერს პირველ რიგში უსმენთ თქვენ, შემდეგ ყოველგვარი წინასწარი გაფრთხილების გარეშე მიდიხართ უფასო სასადილოში და ცდილობთ შიდა ტერიტორიაზე უკანონოდ შესვლას და გადაღებას, ამას ქვია სრული უპასუხისმგებლობა.
განა რად გვიღირს ნებისმიერი კადრი ან სინქრონი, თუ ამით უგულებელვყოფთ წესებს და საფრთხეში ვაგდებთ ხალხსაც და საკუთარ თავს.
ობიექტურობისთვის ისიც უნდა ვთქვა, რომ რამდენიმე ტელევიზია დამიკავშირდა და სრულიად მისაღები იყო მათთვის ჩვენი განმარტება.” – წერს თოქმაჯიშვილი.