უკრაინის აღმასრულებელ ხელისუფლებაში ნებისმიერ პოზიციაზე სააკაშვილის დანიშვნის შემთხვევაში საქართველოს ხელისუფლებას ძალიან პრინციპული რეაქცია ექნება, – ამის შესახებ იუსტიციის მინისტრმა, თეა წულუკიანმა POSTV-ის ეთერში განაცხადა.
მისივე თქმით, საქართველოს პოზიციის შესახებ ინფორმაცია უკრაინულ მხარეს ყველა არხის საშუალებით მიეწოდა.
„უკრაინის აღმასრულებელ ხელისუფლებაში ნებისმიერ პოზიციაზე სააკაშვილის დანიშვნის შემთხვევაში ჩვენ ძალიან პრინციპული რეაქცია გვექნება. ჩვენ გვკითხეს, რატომ არ ვსაუბრობთ საკანონმდებლო ორგანოში მის მოხვედრაზე. ამაზე გვაქვს პასუხი, რომ უკრაინელი ხალხი არჩევნებზე მას ნდობას გამოუცხადებდა, იქ ძალიან ძნელია რამის თქმა, თუმცა როდესაც ეს ეხება აღმასრულებელ ხელისუფლებას, იქ განსხვავებული პოზიცია დავაფიქსირეთ. რადამ, ანუ ხალხის მიერ არჩეულმა ორგანომ, სააკაშვილის კანდიდატურა დაბლოკა. უკრაინის ხელისუფლებამ კარგად იცის ჩვენი პოზიციის შესახებ. ყველა არხის საშუალებით მიწოდებულია ინფორმაცია, რათა შემდეგ მათ არ თქვან, რომ ამის შესახებ არ იცოდნენ. სააკაშვილის მაღალ თანამდებობაზე დანიშვნა არის შეურაცხმყოფელი როგორც ჩვენი სახელმწიფოსთვის, ასევე უკრაინელი ხალხისთვის“, – განაცხადა წულუკიანმა.