„ოპოზიციისათვის მორიგი თავზარდამცემი სტატია გამოქვეყნდა ფრანგულ l’opinion-ში, სადაც საქართველოს მიღწევებზე საუბრობს ავტორი”,- ამის შესახებ ანალიტიკოსი ნიკოლოზ მჭედლიშვილი სოციალურ ქსელში წერს.
მისი თქმით, ფრანგული გამოცემის მიერ გამოქვექნებულ სტატიაში საუბარია იმაზე, რომ საქართველოს ევროკავშირის ზოგიერთ ქვეყანაზე გაცილებით უკეთესი საინვესტიციო გარემო აქვს და რომ თავისუფალი ვაჭრობის ხელშეკრულებები ევროკავშირთან და ჩინეთთან მას კიდევ უფრო მიმზიდველს ხდის ბიზნესისათვის.
„ლაპარაკია იმაზე, რომ საქართველოს ევროკავშირის ზოგიერთ ქვეყანაზე გაცილებით უკეთესი საინვესტიციო გარემო აქვს, თავისუფალი ვაჭრობის ხელშეკრულებები ევროკავშირთან და ჩინეთთან მას კიდევ უფრო მიმზიდველს ხდის ბიზნესისათვის. როგორც ჩანს სტატიის ავტორზე იმოქმედა ქართველთა სიმშვიდემ ვირუსთან ბრძოლის პროცესში, მაშინ როცა ის “პანიკაზე” საუბრობს ევროპის ზოგიერთ ქვეყანაში. ჩვენო “თავზარიკოებო“, ველოდები რეპორტაჟებს თქვენს პარტიულ მედიაში იმის შესახებ, რა ცუდი სტატიები ქვეყნდება საქართველოს შესახებ”, – წერს ნიკოლოზ მჭედლიშვილი.