“კვირის ბოლომდე თბილისისა და რუსთავის გახსნის საკითხი იმედია, სასიკეთოდ გადაწყდება”

გიორგი გახარიამ მთავრობის კანცელარიაში ბრიფინგი გამართა, სადაც აღნიშნა, რომ ეკონომიკის გახსნის 6-ნაწილიანი გეგმიდან ნაწილის დაწყება უფრო ადრეა შესაძლებელი, ვიდრე ეს გეგმით არის განსაზღვრული. 5 მაისიდან გახარიას თქმით, ნებადართული ხდება სამშენებლო სექტორის საქმიანობა და ავტოსარემონტო კომპანიების მუშაობა. ასევე  გაიხსნება ბათუმი და ქუთაისი. თბილისსა და რუსთავში გადაადგილებაზე არსებული შეზღუდვები ძალაში რჩება.

„რამდენიმე კვირის წინ მივიღეთ იძულებული ღონისძიება, რომ ჩაგვეკეთა ქალაქები, ხვალიდან ბათუმში და ქუთაისში ყველანაირი შეზღუდვები გადაადგილებაზე მოიხსნება. დარჩება შეზღუდვები თბილისსა და რუსთავში და ეს დაკავშირებულია ეპიდემიოლოგიურ ვითარებასთან მომიჯნავე რაიონებში. თუმცა თბილისშიც და რუსთავში უახლოეს დღეებში, კვირის ბოლომდე ეპიდემიოლოგიური ვითარებიდან გამომდინარე ეს საკითხი, იმედი ვიქონიოთ, რომ დადებითად გადაწყდება”, – განაცხადა გახარიამ.