ეკონომიკისა და ჯანდაცვის სამინისტროებში უკვე დაწყებულია მიღება კონკრეტული სასტუმროებისგან განაცხადების შემოწმების შესახებ – ამის შესახებ პრემიერ-მინისტრმა ქუთაისში ტურიზმის სექტორის წარმომადგენლებთან შეხვედრაზე განაცხადა.
გიორგი გახარიას თქმით, გარკვეული ნაწილი უკვე შემოწმდა და თბილისში 75 სასტუმროდან სავალდებულო შემოწმება მხოლოდ 15-მა გაიარა.
„ამ ციფრმა არ უნდა შეგაშინოთ. უნდა იცოდეთ, რომ თბილისში ბევრი სასტუმროა დიდი, მაგრამ სტანდარტებს ვერ აკმაყოფიილებს. პატარა სასტუმროებს მოთხოვნები სხვანაირი აქვთ, ამიტომ აქ განაცხადით უნდა შეხვიდეთ და ნახოთ მოთხოვნები, რომლის დაკმაყოფილება არ არის რთული. ამ ყველაფერში მოგეხმარებათ ჯანდაცვის სამინისტროც და ეკონომიკის სამინისტროც. როგორც კი უფლებას მიიღებთ, რა თქმა უნდა, პირველი იქნება შიდა ტურიზმი, მერე უკვე ტურიზმის სააგენტო მოგეხმარებათ“ – აღნიშნა მთავრობის მეთაურმა.
გიორგი გახარიას თქმით, ქვეყანაში იქნება სასტუმროები, რომლებმაც გაიარეს შემოწმება და აკმაყოფილებენ სტანდარტებს და ამ სასტუმროების ცხრილი ყველას ეცოდინება, მათ შორის საზღვარგარეთელ პარტნიორებს.