„ყველა ობიექტური შემფასებელი თანხმდება, რომ თქვენ კარგად გაართვით თავი პანდემიასთან დაკავშირებულ გამოწვევებს, მაგრამ ახლა ჩვენ ვდგავართ ეკონომიკის გამოწვევების წინაშე“, – განაცხადა დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ, რომან კაკულიამ პლენარულ სხდომაზე, სადაც პარლამენტი პრემიერ-მინისტრის ყოველწლიურ მოხსენებას ისმენს სამთავრობო პროგრამის შესრულების მიმდინარეობის შესახებ.
მისივე თქმით, არსებული რეალობიდან გამომდინარე, დღეს ქვეყანაში არის მზარდი ფასები, შემცირებადი შემოსავლები და ამავე დროს, მთელ მსოფლიოში დაანონსებულია უმუშევრობის ტენდენცია. აქედან გამომდინარე, საპარლამენტო კომიტეტის თავმჯდომარემ კითხვით მიმართა პრემიერ-მინისტრს – ხომ არ იგეგმება უმუშევრებისთვის სოციალური დაცვის არსებული სისტემის გადახედვა იმისათვის, რომ ქვეყანა უფრო მომზადებული დახვდეს ამ გამოწვევას სამომავლოდ.