გარდაცვლილი ფეხბურთელის გიორგი შაქარაშვილის საქმეში ახალი დეტალები ხდება ცნობილი. ამ საქმეში ერთ-ერთი ბრალდებული 39 წლის ლევან ყარყარაშვილია.
ჯართის შემგროვებლის ისტორია 4 ივლისს დაიწყო, როდესაც საქმეში ყველაზე მნიშვნელოვანი ნივთმტკიცება, ფერადი შენობა დაიწვა. ამ შენობაში ოქროს მოწმე გურამ ამირხანაშვილი იმალებოდა.
თავად ყარყარაშვილი სამართალდამცველებმა 9 ივლის სულ სხვა ბრალდებით, სხვისი ნივთის დაზიანების გამო, დააკავეს შემდეგ კი მუხლი გადააკვალიფიცირეს და პროკურატურა გაუქმებული ელექტრონული ბოძის მოპარვას ედავება, რაც 138.9 თეთრი ღირს.
ყარაყარაშვილის მეზობლები მსგავს ფაქტს უარყოფენ და ამბობენ რომ შაქარაშვილის საქმეში ძალით გარიეს, რომ ის არასწორ დროს არასწორ ადგილას იმყოფებოდა და ამ საქმესთან შეხება არ აქვს.
ოჯახის ახლობლების ინფორმაციით, მას ფული არ ჰქონდა, რათა შვილისთვის საჩუქარი ეყიდა, რის გამოც ბოძის დანაწევრება და ჯართში ჩასაბარება განიზრახა.
პროკურატურის ინფორმაციით, ყარყარაშვილმა ბოძის დანაწევრება ელექტრო საჭრელით სცადა რა დროსაც წარმოქმნილი ნაპერწკლიდან ცეცხლი მოედო გამხმარ ბალახს და ფერადი შენობა დაიწვა.