პუბლიცისტი დავით კალანდია ფეისბუქზე პოსტს ავრცელებს:
“თურმე პუჭურ-ვაშაძემ 1-დან 21-სექტემბრამდე რეკლამაზე 913 272 ლარი დახარჯა.
ედრენა მაწ!
ამან, ეტყობა, მართლა მიჰყიდა სული ვინმე რქოსანსა და ჩლიქებიანს, აბა საიდან ასეთი ფული?
ანდა მთელი მშობლიური ჭიათურა დააგირავა.
TBC ბანკში.
თუ ვაშაძე პრემიერი ვერ გახდება (და პრემიერი ის ვერასოდეს ვერ გახდება), ის საჯაროდ გამოიჭრის ყელს, მერე შუბლში დაიხლის ტყვიას, მერე თავსაც ჩამოიხრჩობს და ბოლოში მტკვარშიც გადახტება.
– არც არაფერს მოიკლავს – მითხრა ცისფერ ჯორზე ამხედრებულმა მოლა ნასრედინმა, რომელმაც ამ დროს ჩამოიარა – ცოტას შეისვენებს და მერე ყველაფერს თავიდან დაიწყებს. ეს არის მისი ცხოვრება. ამისთვის დაიბადა დედამიწაზე.
– დაიბადა? ის უფრო გამოჩეკილს გავს-ვუთხარი მოლას.
და უცებ ჯორმა ხმა ამოიღო:
– დაბადებული, გამოჩეკილი, გამოძერწილი, გაფურჩქნული… განა ყველაფერი ერთი და იგივე არ არის?ყველა ვართ დედამიწაზე ჯერ მოვლენილი და მერე კი მივლენილი.
– სწორი ხარ, პლატონ-დაუდასტურა მოლამ და ჯორს შაქრის ნატეხი ჩაუდო პირში.
– ეს არის პლატონი?-გამიკვირდა – მე პლატონი სულ სხვანაირი წარმომედგინა
– ეს სხვა პლატონია-კეთილად თქვა მოლამ და გზა განაგრძო.
– და ფული, საიდან აქვს მას ამდენი ფული? -მივაძახე ზურგში.
ჯორმა თავი მოატრიალა და მიპასუხა:
– მაგი ადეიშვილის მოადგილე არ იყო?
მოლამ მოუტრიალებლად აწია მაღლა ცერა თითი.
და იყო დღე და იყო საღამო”, – წერს დავით კალანდია.