თბილისის ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის განცხადებით, ვირუსის შემთხვევების ზრდა რეგულაციების შეუსრულებლობის შედეგია.
ენდელაძე კიდევ ერთხელ მოუწოდებს დედაქალაქის და მთელი საქართველოს მოსახლეობას, გაუფრთხილდნენ საკუთარ თავს, სახელმწიფოს და ექიმებს.
„თბილისში ახალი შემთხვევების ასეთი ზრდა უკავშირდება ისევ და ისევ რეგულაციების დაუცველობას. კიდევ ერთხელ მოვუწოდებ საზოგადოებას, თბილისელებს და მთელ საქართველოს, დავინდოთ საკუთარი თავი, დავინდოთ სახელმწიფო და დაგვინდეთ ჩვენც, ექიმები, რადგან ძალიან რთულ პირობებში გვიწევს მუშაობა. საქართველოში უკვე ვირუსის აქტიური გავრცელებაა, აუცილებელია რეგულაციების დაცვა“, – განაცხადა მარინა ენდელაძემ.
კომენტარები