ნებისმიერ არაკანონიერ მოქმედებაზე შესაბამისი სამართლებრივი ქმედება იქნება, – ამის შესახებ „იმედის“ ეთერში „ქართული ოცნების“ პარტიული სიის წევრმა, ბექა დავითულიანმა განაცხადა.
მას კითხვით მიმართეს, სამართალდამცველების მიერ, თუ რა რეაგირება მოყვება, ნიკა მელიას მიერ ელექტრონული ზედამხედველობის სამაჯურის მოხსნის ფაქტს.
„ნიკა მელიას სასამართლომ დაადო სამაჯური და პირობითი სასჯელი მისცა, მან მოიხსნა შეგნებულად სამართალდამცველების პროვოცირების მიზნით, რათა გაამწვავოს სიტუაცია. მერე დააკავონ, ეს აქციოს პოლიტიკურ სპექტაკლად და ასე შემდეგ“, – განაცხადა დავითულიანმა.
ნიკა მელიამ აქციაზე ელექტრონული ზედამხედველობის სამაჯური მოიხსნა და ხალხში გადააგდო.
ოპოზიციის ნაწილი პარლამენტთან აქციას მართავს. ისინი აცხადებენ, რომ არჩევნები გაყალბებულია და ერთიან სამოქმედო გეგმაზე მსჯელობენ. მათი ერთ-ერთი სცენარი არის ის, რომ ბოიკოტი გამოაცხადონ, უარი თქვან მანდატებზე და არ შევიდნენ პარლამენტში.