გია ვოლსკის თქმით, იმაში რომ მმართველმა გუნდმა საპარლამენტო უმრავლესობის შესაქმნელად საკმარისი უპირატესობა მოიპოვა მოულოდნელი არ არის. ამის შესახებ გია ვოლსკიმ „იმედის კვირაში“ განაცხადა. მისი თქმით, აშშ-სა და ევროკავშირის განცხადებებს არჩევნების შესახებ სიღრმისეული ანალიზი სჭირდება.
„ამ ყველაფერს უნდა გაცილებით სიღრმისეული ანალიზი გავუკეთოთ – ამერიკის შეფასებებსაც და ევროკავშირსაც. რა საკვირველია, სასაცილოც არის, შეიძლება გავიღიმოთ კიდევაც, მაგრამ იმ კარვის დადგმა პარლამენტთან უკვე არის ცუდი ნიშანი იმისა, რომ ადამიანების ჯგუფი, რომლებსაც პოლიტიკური სუბიექტები ჰქვია, აპირებს ისევ იმ გზით იაროს, რასაც ჰქვია დესტაბილიზაცია, რომელიც ვერც ფაროსნამ მოახერხა, ვერც მათდა სამწუხაროდ რაიმე სანქციებში გადაიზარდა საკუთარი სამშობლოს წინააღმდეგ“, – განაცხადა ვოლსკიმ.