კახა კალაძის შესახებ ალეკო ელისაშვილის მიერ გაკეთებული განცხადება ადასტურებს, რომ კახა კალაძეს ფეხებში უფრო მეტი ტვინი აქვს, ვიდრე ალეკო ელისაშვილს თავში, – ამის შესახებ მმართველი პარტიის ცენტრალურ ოფისში გამართულ ბრიფინგზე „ქართული ოცნების“ პარტიული სიის წევრმა, ბექა დავითულიანმა განაცხადა.
„კახა კალაძის შესახებ ალეკო ელისაშვილის მიერ გაკეთებული განცხადება ადასტურებს, რომ კახა კალაძეს ფეხებში უფრო მეტი ტვინი აქვს, ვიდრე ალეკო ელისაშვილს თავში. იმიტომ რომ კალაძის ფეხებმა ორი ჩემპიონთა ლიგა მოიგო, ელისაშვილის თავში კი იბადება ასეთი მდარე კომენტარები, რომლითაც ის ჩვენს ღვაწლმოსილ ფეხბურთელებს აყენებს შეურაცხყოფას“, – განაცხადა დავითულიანმა.
მანამდე პარტია „მოქალაქეების“ ლიდერმა, ალეკო ელისაშვილმა განაცხადა, რომ კახა კალაძე ადასტურებს გამოთქმას, თითქოს ფეხბურთელებს ტვინი ფეხებში აქვთ.