“ქართული ოცნების” აღმასრულებელი მდივანი ირაკლი კობახიძე “ნაციონალური მოძრაობის” ორი აქტივისტის დაკავებას და თედო გობეჯიშვილის გარდაცვალებას გამოეხმაურა.
როგორ ირაკლი კობახიძემ განაცხადა, “ნაციონალური მოძრაობა” აგრძელებს იმ ხელწერას, რომლითაც ცხრა წლის მანძილზე გამოირჩეოდა.
“მნიშვნელოვანია საელჩოების მოწოდება ყველა პოლიტიკური პარტიის მიმართ, რადგან მათ აიღონ პასუხისმგებლობა ქმედითი პარლამენტის ფუნქციონირების უზრუნველყოფაზე.
ჩვენის მხრივ, გამოვთქვათ მზადყოფნას, ხელი შევუწყოთ შეკრების უფლების სათანადო რეალიზებას და არჩევნებთან დაკავშირებული ყველა სადაო საკითხისთვის ნათელის მოფენას.
გვინდა გამოვეხმაუროთ “ნაციონალური მოძრაობის” ორი აქტივისტის დაკავებას, რომლებმაც განახორციელეს ზეწოლა და მუქარა, ისნის საოლქო საარჩევნო კომისიის თავმჯდომარის თედო გობეჯიშვილის მიმართ, რის შედეგადაც 43 წლის ადამიანი გულის შეტევით გარდაიცვალა.
ეს შეგვახსენებს, თუ რამდენად დანაშაულებრივ პოლიტიკურ ძალასთან გვაქვს საქმე “ნაციონალური მოძრაობის” სახით. ზეწოლა, მუქარა და მკვლელობა არის ამ პოლიტიკური ძალის ხელწერა, რომლითაც იმ ცხრა წლის მანძილზეც გამოირჩეოდნენ. სწორედ ამის გამო მიიღო ამ პოლიტიკურმა ძალამ ქართველი ხალხისგან მკაცრი პასუხი და იწვნია მძიმე მარცხი 31 ოქტომბრის საპარლამენტო არჩევნებში.
კიდევ ერთხელ ვამბობ, ყველა მიიღებს ძალიან მკაცრ პასუხს, ყველა სამართლებრივი ნორმით, ვინც ეცდება, რომ მსგავსი ქმედებები განახორციელოს”- განაცხადა ირაკლი კობახიძემ ბრიფინგზე.